Парадак дня незалежных медыя фармуе спрэчкі, праблемы і абвінавачванні унутры прадэмакратычнага руху. У сваю чаргу ўплыў грамадзянскай супольнасці на ўнутрыбеларускую павестку працягвае змяншацца. Дэмсілы на чале з Ціханоўскай прытрымліваюцца канфрантацыйнай рыторыкі ў адносінах да рэжыму Лукашэнкі, узмацняюць кантакты з афіцыйным Кіевам і кансалідуюць прыхільнікаў сілавога шляху перамен у Беларусі.

Незалежныя медыя і дэмакратычныя сілы канцэнтруюць увагу на ўнутранай павестцы і скандале вакол экс-прадстаўніцы Аб’яднанага пераходнага кабінета па фінансам і эканоміцы Таццяны Зарэцкай. У выніку чаканні грамадства па змене сітуацыі ўнутры краіны і давер да Кабінета Ціханоўскай сярод прыхільнікаў перамен можа крыху паменьшыцца.

Дэмсілы спрабуюць узмацніць камунікацыю па сацыяльна-эканамічанай тэматыцы – асабліва з групамі насельніцтва, якія ў апошні час незадаволены дзеяннямі рэжыма Лукашэнкі, як, напрыклад, прадпрымальнікамі. Аднак медыйную павестку захопліваюць скандалы ўнутры Кабінету.

У сваю чаргу працэс рэфармавання Каардынацыйнай рады адбываецца з невялікай медыйнай ўвагай і не выклікае істотнай зацікаўленасці сярод прыхільнікаў перамен.

Дэмакратычныя сілы працягваюць спробы паўплываць на змену адносінаў украінцаў у дачыненні да беларусаў. Святлана Ціханоўская агучыла ўмовы свайго прыезду ў Кіеў.

Прадстаўнікі АПК правялі працоўную сустрэчу з лідэрамі міжфракцыйнага дэпутацкага аб’яднання Вярхоўнай Рады Украіны “За дэмакратычную Беларусь”.

Каманда Цапкала працягвае працаваць над прасоўваннем і пошукам рэсурсаў для рэалізацыі асабістай ініцыятывы па правядзенню анлайн-рэферэндуму і выбараў у нацыянальны сход. Ініцыятары грамадскага плебісцыту праводзяць сустрэчы ў Брусэлі і Вашынгтоне, а таксама разлічваюць прыцягнуць крытыкаў дзеянняў Кабінета на чарговы Форум дэмакратычных сіл у лістападзе гэтага года.

Адбываюцца звужэнне аўдыторыі дэмсіл з Святланай Ціханоўскай на чале і павелічэнне крытыкі ў дачыненні да дзейнасці Аб’яднанага пераходнага кабінету, а таксама спробы пераразмеркавання ўплыву ў прадэмакратычным руху.

Такім чынам, у бліжэйшы час існуюць рызыкі павелічэння ўзаемнай крытыкі і абвінавачванняў сярод дэмсіл у спробе пераразмеркаваць рэсурсы.