🔹🔻🔹
🔹عاغیل، عاقیل
✍ ایواز طاها
▫️عقل و نقل سؤزلری بیزده منیمسه‌نیله‌رک آرتیق «عاغیل» و «ناغیل» کیمی سسله‌نیرلر. اوسته‌لیک اونلارین ایکینجیسی آنلام دییشیک‌لییینه اوغرایاراق، «افسانه» معناسی قازانمیشدیر.
▫️آما عاغیل سؤزونو بعضن «عاقیل» کیمی یازمالی اولوروق. بونون سببی نه‌دیر؟
دئدیییمیز کیمی «عاغیل» سؤزو «عقل»ین دیلیمیزین شرط‌لرینه اویغونلاشمیش فورماسی‌دیر. آما «عقل»دن گلمه باشقا بیر عرب سؤزو ده وار. بو سؤز «عاقل»دیر. دوغرودور قایدالارا اساسلاناراق «عاقل» سؤزونو ده «عاغیل» یازمالی‌ییق. لاکین «عقل» سؤزونون آنلام یوکونو داشییان «عاغیل» سؤزو ایله سهو سالینماسین دئیه، اونو «عاقیل» کیمی قبول ائتمه‌لی‌ییک.
باخمایاراق کی، «عاقیل» سؤزونون بیزده داها یاخشی قارشیلیغی [معادلی] «عاغیل‌لی»دیر.
https://t.me/Bayramzn
Post #1673
281
- ❤ 4