🎡 Дәүләкәндәге үҙәк парк «Торлаҡ һәм ҡала мөхите» милли проектының «Уңайлы ҡала мөхитен булдырыу» программаһы сиктәрендә төҙөкләндерелгән. Программа шарттарына ярашлы, матурыраҡ һәм уңайлыраҡ булһын тип, халыҡ ошо объектты үҙҙәре һайлай. Был хаҡта тулыраҡ – рубрикаһында.

✅ Ҡаланың үҙәк паркында эштәр ике йыл дауам итә. Хәҙер бында хәүефһеҙ япмалы заманса балалар майҙансығы, төрлө тренажерҙар менән воркаут-зона һәм уратып алынған футбол майҙаны бар. Мәҙәни саралар өсөн паркта амфитеатр ҙа булдырылған. Шулай уҡ яңы эскәмйәләр һәм сүп-сар һауыттары ҡуйғандар, йәйәүлеләр өсөн юлдар эшләгәндәр, урамдарҙы яҡтыртыу һәм видеокүҙәтеү системаларын монтажлағандар.

🌳 Дәүләкәндәр парктағы үҙгәрештәрҙе шатланып ҡаршы алған. Йылдың һәр ҡайһы миҙгелендә лә бында халыҡ өҙөлмәй. Яңыртылған йәмәғәт биләмәһендә ғаилә менән ял итеү, спорт менән шөғөлләнеү, мәҙәни сараларҙа ҡатнашыу өсөн бар мөмкинлектәр ҙә булдырылған.

📌 Уңайлы йәмәғәт мөхите халыҡтың йәшәү сифатын яҡшыртыуҙа мөһим роль уйнай. Бындай еңеүҙәр һөҙөмтәһендә республикала яңы һәм уңайлы йәмәғәт биләмәләре барлыҡҡа килә. 2019 йылдан 2023 йылға тиклем республикала барлығы 683 йәмәғәт биләмәһе төҙөкләндерелгән. Быйыл тағы ла 123 майҙансыҡ үҙгәртелә.