Samid Gülağa oğlu İmanov 14 oktyabr 1981-ci ildə Neftçala rayonunun Həsənabad qəsəbəsində anadan olub

Azərbaycan Ordusunun Xüsusi Təyinatlı Qüvvələrinin mayoru olan Samid İmanov 2016-cı ilin Aprel döyüşlərində, Talış istiqamətində döyüş tapşırığını yerinə yetirərkən qəhrəmancasına şəhid olub.

Vətənə sədaqəti və döyüşlərdə göstərdiyi igidliyə görə Azərbaycan Respublikası Prezidentinin 19 aprel 2016-cı il tarixli sərəncamı ilə ölümündən sonra “Azərbaycanın Milli Qəhrəmanı” fəxri adına layiq görülüb.

Xatırladaq ki, orta təhsilini başa vurduqdan sonra indiki Heydər Əliyev adına Hərbi İnstituta qəbul olub, 2003-cü ildə hərbi təhsilini fərqlənmə ilə bitirib və Ulu Öndər Heydər Əliyev tərəfindən mükafatlandırılıb.

Samid İmanovun həyat yolu Vətən sevgisinin, cəsarətin və fədakarlığın nümunəsidir. Onun əziz xatirəsi Azərbaycan xalqının qəlbində daim yaşayacaq.

@bakutvxeber