محمد تقی خان سلطانزاده  1270ده فروردین آیی نین دوققوزوندا تبریزین سیرخاب محله‌سینده آنادان اولدو

آتاسی محمد باقرخان عنایت اوشاقکن آذربایجانین قاراباغ ماحالی‌نیی ایندی کی قوبادلی شهریندن قاراداغا کؤچوب اوردان دا تبریزه گلمیشدی


پسیانین تهراندا ایکن تبریز مشروطه‌چی لری ایله گؤروشدویو اونون یاشامیندا تاثیرسیز اولماییب و اونو آزادلیق سئور بیر اینسانا چئویره بیلمیشدی


20 یاشلی پسیان ژاندارمری ده ایشه باشلاییر و بیر چوخ شهرلرده میللتین قانینی شوشه‌یه توتموش یاغی‌لر و خانلارلا موباریزه آپاریر ایشغالچی روس و اینگیلیس قوشونونا غلبه ائدن پسیان یارالانیب موعالیجه اوچون آلمانا گئدیر اوردا طیاره‌چی‌لیک مکتبیته داخیل اولوب و ایرانین ایلک خلبانی اولاراق آدی تاریخه کئچیر

محمدتقی خانین سوی آدی سلطانزاده اولسا دا اؤز ائلینین آدی پسیان ایله شؤهرته چاتمیشدی ایلک تحصیلینی تبریزین لقمانیه مدرسه‌سینده آلیب فارس و عرب دیللرینی اؤیرنمیشدی

سونرا تهرانین نظامی مدرسه‌سینه داخیل اولور محمد تقی خان 1298ده ایرانا قاییدیر همن ایل خوراسانا ژاندارمری رییسی عنوانیدا گؤندریلیر محمد تقی پسیان خوراسانا گلدیکدن سونرا اوردا یاشایان آذربایجان تاجیرلری و خوراسان تورکلری ایله دوستلوق قاتیب و هر زامان اونلاری اؤزونه وفالی قارداش آدلاندیریردی


آذربایجان ایالتینده آزادلیق اوغرونا قیام ائدن شیخ محمد خیابانی حرکتیندن تاثیر آلاراق پسیان دا بیر چوخ اجتماعی ، سیاسی، اقتصادی اصلاحلارا ال آتماق ایسته‌ییردی

آنجاق آزادلیق دوشمن‌لری باشدا قوام السلطنه و رضاخان اولماقلا تهران حکومتی و خالقی سویوب داغیدان خانلار بونا دؤزه بیلمیردی

واختی ایله شیخ محمد خیابانی‌نین و میرزا کوچک خان جنگلی‌نین آزادلیق حرکاتینین قاباغیندا دوران قوام السلطنه و رضا خان بو دؤنم مشهده قوشون چکیر یئرلی خانلاردا باشدا خوراسانین یاغی گوروهلاری  محمد تقی خانی دؤرد طرفدن محاصره‌یه کئچیردیرلر


باکیدان پسیانین کؤمه‌یینه گلن آذربایجانلیلارین  دا قارشیسی روسلار طرفیندن آلینیر  کلنل موخالیف‌لرینین قاباغینی آلماق اوچون گئجه ایله قوچانا ساری گئدیر

جعفر آبادین داوودلو تپه‌لرینده دؤیوشور اوردوسونون نفر و سیلاح آزلیغی پسیانی زور بیر دورومدا قرار وئریر کلنل تک تنها قالیر سون فیشنگینه قدر دؤیوشور و 1300اونجو ایلین مهرین دوققوزوندا شهید اولور.

یاغی قوشون کلنلین بدنینی باشیندان آییریب  قوچانا آپاریب شهرده گزدیرمیشدیلر و بئله‌لیکله آذربایجانین آزادلیق سئور اوغلو محمد تقی خان پسیان ابدی اولاراق  قهرمانلیق سمبولو کیمین یادلار دا قالیر کلنل محمد نقی خان پسیانی نادر شاهین مزارینین قیراغیندا  توپراغا تاپشیرمیشلار

@aztabriz