Azərbaycan Dəmir Yolları

😊 “Sərnişinlərin təbəssümü gördüyüm işin ən böyük mükafatıdır”.

🌟 ADY-nin qatar meneceri Şəbnəm Cəfərova üçün #məndəmiryolçuyam demək sərnişinlərin təhlükəsiz və rahat səfəri naminə yorulmadan çalışmaqdır.

🧩 Hər rahat səfərin arxasında diqqət, peşəkarlıq və böyük zəhmət dayanır.

📈 ADY-nin Astara Terminalında (İran ərazisində) 2026-cı ilin 8 ayında 537 min tondan çox yük aşırılıb. Bu, ötən ilin eyni dövrünün göstəricisindən təqribən 30 faiz çoxdur.

⬆️ 2026-cı ilin avqust ayı üzrə müvafiq göstərici 50 faiz artımla 76 min ton olub.

🛤️ 🕊️ Dəmir yolları tezliklə yenidən Xankəndiyə aparacaq.

🤝 ADY rəhbərliyi Almaniyaya səfər çərçivəsində Hamburq Limanının nümayəndələri ilə görüş keçirib. Görüş zamanı Bakı və Hamburq limanları arasında əməkdaşlığın inkişaf perspektivləri, eləcə də Orta Dəhliz üzrə tranzit daşımaların həcminin artırılması imkanları müzakirə olunub.

✍🏻 Görüşün nəticəsi olaraq ADY ilə Hamburq Limanı arasında əməkdaşlığın gücləndirilməsinə dair protokol imzalanıb.

🔗 Daha ətraflı: https://sml.az/ady-hamburq-protokol

🚆 ADY artan sərnişin tələbatını qarşılamaq üçün 26 və 27 sentyabr tarixlərində Bakı–Ağstafa–Bakı marşrutu üzrə əlavə qatar reysləri həyata keçirəcək.

ℹ️ Eyni zamanda, bu istiqamətlərə Bakı–Qazax–Bakı marşrutu üzrə ənənəvi qrafiklə gündəlik səfərlər təşkil olunur.

🎫 Biletləri dəmiryol kassaları, ADY-nin rəsmi saytı və “ADY Mobile” tətbiqindən əldə edə bilərsiniz.

🚆 ADY-nin lokomotiv parkında yeni mərhələ: müasir AC50 magistral yük lokomotivləri.

Yüksək dartı gücünə, qabaqcıl idarəetmə və təhlükəsizlik sistemlərinə malik yeni lokomotivlərin görüntülərini təqdim edirik.

🚆 ADY lokomotiv parkını yeniləyir.

🆕 Lokomotiv parkına Çində istehsal olunmuş 7 ədəd müasir AC50 magistral yük lokomotivi əlavə edilib.

🌍 Yüksək dartı gücünə, qabaqcıl idarəetmə və təhlükəsizlik sistemlərinə malik lokomotivlər ağır tonnajlı yüklərin daha etibarlı və səmərəli daşınmasını təmin edəcək.

📍 Yeni lokomotivlər beynəlxalq nəqliyyat dəhlizləri üzrə yük daşımalarında istismar olunacaq.

🔗 Daha ətraflı: https://sml.az/ady-yeni-lokomotivler1

🎼 18 sentyabr - dahi bəstəkar, Azərbaycan milli və professional musiqisinin banisi Üzeyir Hacıbəylinin doğum günü və Milli Musiqi Günüdür.

🇦🇿 Milli musiqimiz xalqımızın zəngin mədəni irsini, ruhunu və milli kimliyini yaşadan əvəzsiz sərvətdir.

🚆 Dəmir yollarının ritmi də musiqidə özünəməxsus ahəng yaradaraq müxtəlif dövrlərdə sevilən mahnılara ilham verib.

🎶 Bəs “dəmir yolu” deyəndə ilk olaraq hansı mahnını xatırlayırsınız?

📈 Bu ilin yanvar-avqust aylarında ADY-nin Bakı Limanında 5,5 milyon tondan çox yük aşırılıb. Bu, ötən ilin eyni dövrü ilə müqayisədə təqribən 3 faiz çoxdur.

⬆️ Analoji dövrdə 85 min TEU-dan çox konteyner aşırılıb ki, bu da ötən ilin 8 ayının göstəricisini (69 855 TEU) 22 faiz üstələyib.

➕ 2026-cı ilin avqust ayında isə bu göstərici 12,9 min TEU (ötən ilin avqustu ilə müqayisədə 39 faiz çox) təşkil edib.

❗ ADY Bakı Metropolitenində xətlərin ayrılması layihəsi ilə əlaqədar sərnişinlərin rahat hərəkətini təmin etmək üçün alternativ marşrutlar təklif edir.

🚄 Sərnişinlər “Dərnəgül” dəmiryol dayanacağından istifadə etməklə:

* “28 May” istiqamətinə qatarla cəmi 11 dəqiqəyə birbaşa və rahat çata;

* Xırdalan və Biləcəridən qatarla “Dərnəgül” dayanacağına gələrək, buradan eyniadlı metro stansiyasına keçid etməklə Yaşıl xətt üzrə, o cümlədən “20 Yanvar”, “İnşaatçılar” və tələbə axınının yüksək olduğu “Elmlər Akademiyası” stansiyaları istiqamətində səfərlərini davam etdirə bilərlər.

ℹ️ Hərəkət cədvəli saytımızda və ya "ADY Mobile" tətbiqində bir toxunuş qədər yaxındır.

📸 Bir fotoşəkil bəzən bütöv bir dövrün səsini daşıyır.

Bu arxiv kadrlarında təkcə qatarlar və vağzallar deyil, şəhərin ritmi, insanların gözləntiləri və dəmir yolu ilə yazılan tarix yaşayır.

🚆 Zaman ötür, xatirələr isə relslərin yaddaşında qalır.

🚉 Dayanacaq, stansiya və vağzal - hər birinin öz yeri və rolu var.

#EduADY bu dəfə dəmir yolunun bu üç əsas anlayışını təqdim edir.

ℹ️ Gündəlik həyatda tez-tez işlətdiyimiz terminlər əslində tamamilə fərqli funksiyalara xidmət edir.

📢 Sərnişin tələbatının qarşılanması məqsədilə şəhərətrafı qatar reyslərinin sayı növbəti dəfə artırılır.

ℹ️ Yenilənmiş hərəkət cədvəlinə əsasən, 17 sentyabrdan həftəiçi gündəlik reyslərin sayı 96-dan 100-ə çatdırılacaq:

🔹 Sumqayıt–Pirşağı–Bakı xətti üzrə qrafikə saat 05:55 və 11:50-də yeni reyslər əlavə ediləcək;

🔹 Bakı–Pirşağı–Sumqayıt istiqamətində isə saat 06:46 və 10:45-də əlavə reyslər təşkil olunacaq.

🔗 Yenilənmiş hərəkət cədvəli ilə buradan tanış ola bilərsiniz: https://ticket.ady.az/az/yeni-hereket-cedveli

🚆 ADY artan sərnişin tələbatını qarşılamaq üçün 19 və 20 sentyabr tarixlərində Bakı–Ağstafa–Bakı marşrutu üzrə əlavə qatar reysləri həyata keçirəcək.

ℹ️ Eyni zamanda, bu istiqamətlərə Bakı–Qazax–Bakı marşrutu üzrə ənənəvi qrafiklə gündəlik səfərlər təşkil olunur.

🎫 Biletləri dəmiryol kassaları, ADY-nin rəsmi saytı və “ADY Mobile” tətbiqindən əldə edə bilərsiniz.