Müqtəda əs-Sədrin ofisi

Uca Allahın adı ilə

Azərbaycanda rəsmi (dünyəvi) qurumlar İslamın zahiri təzahürlərinin qadağan edilməsinə icazə veriblər. Biz bu müsəlman ölkəsinin daxili işlərinə müdaxilə etmək niyyətində deyilik. Lakin Allah qarşısında yaxşılığa çağırıb pislikdən çəkindirməyə məsuluq; buna görə də xatırlatmalı, öz fikrimizi bildirməli, nəsihət etməliyik. Müvəffəqiyyət bəxş edən Allahdır.

Bəli, belə qərarlar “dünyəvi ekstremizm” deməkdir ki, bu da “İŞİD ekstremizmi”nə paraleldir. Bu isə mötədillik və orta yol prinsipi ilə hərəkət edənlər üçün məyusedici haldır.

Əksinə, belə qərarlar sizin ölkənizdə ekstremizmi gücləndirəcək, fəallaşdıracaq və alovlandıracaq. Halbuki ümid edirik ki, ölkəniz mötədillik və orta yol baxımından nümunə olacaq.

Təəccüblüdür ki, dünyəvilər dünyəviliyin düşmənçilikdən, silaha sarılmaqdan və silahı yaymaqdan ibarət olduğunu düşünürlər. Halbuki dünyəvilik azadlıq üzərində qurulmalı və şəxsi azadlıqlara müdaxilə etməməlidir.

Əgər siz hicabın qadağan edilməsinin cəmiyyətin dünyəviləşdirilməsinə və qadınların örtünmə və hicab məhdudiyyətindən azad edilməsinə qapı açacağını düşünürsünüzsə, yanılırsınız.

Əksinə, tam həqiqət budur ki, hicabın qadağan edilməsi azərbaycanlı qadınlarda hicaba sadiq qalmaq istiqamətində əks, müsbət təsir yaradacaq. Həmçinin bu qərar nəticəsində hicaba riayət edənlər şəhvətpərəst və dünyəvi azğın cərəyanlara qarşı daha da möhkəmlənəcək və ölkəniz üzərində Qərb və İsrail hegemonluğuna qarşı nifrət daha da artacaq.

Hətta hesab edirəm ki, belə bir qərar mötədil İslamı sıxışdıran və dünyəvilərin dövlət üzərində hegemonluğunu möhkəmləndirən siyasi qərardır. Lakin bu, sadəcə bir xəyaldır. Sizdən əvvəl də bəzi ölkələr bunu etdilər. Məsələn, Tunis hicabı və orucu qadağan etmişdi və buna bənzər addımlar atmışdı. Hətta Türkiyə də qadağanı aradan qaldırmışdır; çünki qadağa hicablı qadınların sayının artmasına səbəb olmuşdu.

Odur ki, ey ağıl sahibləri, ibrət götürün!

Yoxsa artıq ibrət götürmək üçün gec olacaq.

#Hicab_iffət_və_mötədillik_rəmzidir

Salamla,
Müqtəda əs-Sədr

13.10.2026