Бүген, 19 ноябрь кадерле дустыбыз, көрәштәшебез Татар милли хәрәкәте һәм «Азатлык» Татар яшьләре берлеге активисты Батырхан Әгъзамовның ТУГАН КӨНЕ! Бүген дустыбызга 26 яшь булыр иде... Әмма ачы язмыш...
Бер ел элек, 29 октябрь көнне Тыва Җөмһүриятендә юл казасында Батырхан вафат булды.

Батырхан “Азатлык” оешмасын, милли хәрәкәтне бик яратты һәм милли хәрәкәткә бөтен энергиясен, көчен тулысы белән бирергә тырышты.
Бу авыр югалтуга чыдый алмый, йөрәкләребез бертуктаусыз елый!

Батырхан мәңге безнең йөрәкләребездә яшәячәк!

Рухы шат, урыны җәннәттә булсын!
Сагынабыз! Юксынабыз!