"Русиядә яшәргә мәҗбүр булган, бу көн советлар иттифакының яртысыннан артыгын тәшкил иткән рус булмаган халыклар, пра­вославный динендә булмаган милләтләр бу егерме бер еллык «дөнья ихтилялы», «дөнья оҗмахы» ясау тәҗрибәсеннән ни бер­лә чыктылар? Меңәр ел бербуйдан килгән бу халыкларның сөяге­нә кадәр сеңеп, халыкның әхлакый төзелешенә сәбәп булган ислам дине җимерелде. Мең еллар буе саклап килгән үзенең үзлеге, барлыгы аерым бер мәдәният тудыручы бер көч булып яшәве кысырландырылды. Үзенең үзлеген оныттырыр өчен, руслык баткаклыгына нык батырылды, аның яшьлеге русның әхлакый пылчыраклыгына сугарылды, русның аракысына чумдырылды. Ул мәгънән бетерелеп, үзенең «үзлеге»ндә дәвамының тамыры кортылып, «руслык» өчен бер тирес хәленә генә китерелергә тырышылды."

"Большевик – русчалык" мәкаләсеннән. «Яңа милли юл» журналының 1939 елгы 4 нче (апрель) санында «Гаяз Исхакый» имзасы белән басылган.
Чыганак: https://isxaki.com/2020/09/06/bolshevizm/