ТАТАРЛЫКТАН ӘГӘР ВАЗ КИЧСӘК…

Татарлыктан әгәр ваз кичсәк без,
Явыз дошманнарны сөендереп.
Бабаларыбыз да рәнҗеп ятар,
Безнең юньсезлегебезне күреп.

Татарлыктан әгәр ваз кичсәк без,
Киләчәгебез дә инде булмас.
«Татар» дигән исем генә калыр,
«Татар» дигән милләт җирдә калмас.

Татарлыктан әгәр ваз кичсәк без,
Алдагы буыннар килә алмас.
Булганмы без, әллә булмаганмы,
Безне искә алучылар калмас.

Габделхак Әхмәт.