2024 елның Олимпия уеннарын күзәтү бик кызык. Кызганыч, Татарстанның җыелма такымының әлегә уеннарда катнашмый. Шуңа күрә, безнең өчен кардәш, тугандаш булган Төрки дәүләтләр өчен җан атабыз. Бу уеннарда аеруча Үзбәкстан бик сөендерде. Хәзерге мизгелгә алар 8 алтын, 2 көмеш һәм 3 бакыр медальләр отып, дөньяның рәсми булмаган рейтингында 13нче урында. Без Татарлар әлбәттә кардәш Үзбәк халкының бу уңышларына бик сөенәбез һәм чын күңелдән теләктәшлек белдерәбез. Алга, Үзбәкстан! Безнең йөрәкләребез Сезнең белән! Сез Төрки дөньяның горурлыгы! Шулай ук кардәш Азәрбәйҗан, Казакъстан, Төркия һәм Кыргызстан уңышларына да бик сөенәбез һәм кардәшләребезгә тагын да зуррак үрләргә менүләрен теләп калабыз.

Ә инде киләчәктә, без ышанабыз, Олимпия уеннарында Татар җыелма такымы да катнашыр һәм милләтебезнең данын дөньяга таратыр! Татарлар Олимпия уеннарында һичшиксез катнашачак һәм горурланып Татар байрагын да күтәрәчәкләр!