ТАТАРЧА ЯЗЫГЫЗ!

Үз сәхифәләрендә Татарча язмаучы милләттәшләр миндә бер яктан кызгану, икенче яктан шактый тискәре фикерләр уята. Нигә Сез үз телегездә дә язмыйсыз? Нигә үз ана телегез хисабына башка телгә өстенлек бирәсез? Башкалар да аңласын дисез имеш, аларга да хөрмәт күрсәтәсез имеш. Соң аңласын, өйрәнсеннәр. Сез тырышкан кешеләрнең берсе дә (!) Сез аңласын дип татарча язмый, үз телендә яза. Татар гына нигәдер һаман яраклаша, һаман башкалар өчен тырыша. Туган телгә хөрмәт үз-үзебездән, татар телен кулланудан, бу телдә язудан башлана! Башкалар аңласыннар өчен 2 телдә языгыз. Ялкауланмагыз. Ә тагын да күбрәк кеше аңласын өчен инглиз, француз, кытайча да яза аласыз. Татарча да язмау - үз-телегезгә, үз анагызга хөрмәтсезлек күрсәтү белән бер. Шуны истә тотыгыз.

Азатлык