Сәлам, дуслар!
Ике көн элек Илдар белән сөйләштек. Кемнәр белми, дустыбыз Илдар ике айдан артык Анлатиянең депортация төрмәсендә утыра.

- Илдар үзен яхшы хис итә. Аның төрмәдәге халәтен контрольда тотырга тырышабыз, хокукларын бозмасыннар өчен. Кондиционер бар диде.

- Якындагы көннәрдә Илдар буенча яхшы хәбәрләр көтәбез. Бәлки якын арада төрмәдән азат итеп, аны икенче илгә җибәрә алырбыз.

- Илдарның бик каты үтенече буенча, җыелган акчадан 20 мең сумны аның Татарстандагы ике кызына җибәрдек. Илдар бик каты сорады, ашарга-эчәргә кирәк, диде. (үзе күпкә күбрәк җибәрә торган булган, без әлегә шуның хәтле генә булдыра алдык).

Дустыбызга ярдәм итүче барлык милләттәшләребезгә чын күңелдән бик зур рәхмәт!