АНТАЛИЯНЕҢ ЯҢА КИТАПХАНӘСЕНДӘ БЕРЕНЧЕ ТАТАР КИТАБЫ - ЗӨЛӘЙХА

Күптән түгел Анталиядә зур китапханә ачылды. Хәзер ул заманча, матур, 4 катлы бинада урнашкан. Бүген, без Татар җәмәгатьчелеге вәкилләре әлеге белем һәм гыйлем йортын зиярәт иттек. Китапханә белән танышканнан соң, үзебез чыгарган Гаяз Исхакыйның "Зөләйха" китабын бүләк иттек. Бик сөенеп кабул иттеләр, чөнки "Зөләйха" китапханәдә беренче татар китабы икән. Анталиягә күп татарлар килә һәм яши. Хәзер һәркем Гаяз Исхакый иҗаты белән танышып, аның иң мәшһүр әсәрен укый ала.