بارگاهِ عِشـق

گـؤزَلیم سَن نـہ دئسَن تکجـہ سَنـہ جان دئمیشَم
اؤ قــارا گــؤزلـَـــرینـہ جانیمـے قــوربان دئمیشَم

مَنــہ عِشـق عالمیسَـن مَنــده سَنــہ بیــر سائیـل
بـــاریگـاهینـــدا سَنــہ حـاتَــــمِ دؤران دئـمیشَم

قالمیشـام گــؤزلـرینـہ حَسرت و دَرمانده گـولوم
اؤ صَفــالـے باخیشین دَردیمـہ دَرمــان دئمیشـَم

بو وفـــا رَسمـے دئییـل عاشیقینـہ جوْر إده سـَن
آخے خالـق ایچره سَنـے جانیمــہ جانان دئمیشَم

مـن وفــا عاشیقیـَـم عشقیمـہ قورباندی بو جـان
سئـودیگیم دیلبریچون جانیمے احسـان دئمیشَم

سَری ڪویینده دوروب منتظیــرَم سَـن گَلـَہ سَن
چون سَنے من بو گئجـہ قَلبیمـہ مِهمــان دئمیشَم

عاشیقـَم حوسنووَه من بس کے گؤزللر گؤزو سَن
اؤ شَکَـــــر لبلَــــرینـہ لعـلِ بداخشــان دئمیشَم

قویما خالق ایچره بارے گَلسین آمانسیز نَظَـره
سنـے خلـوتجـہ گــولوم قلبیمہ سولطان دئمیشم

₡₪↯💔 عاشقانه دل 💔↯₪₡