ЖИГАРЧИЛИК
Орамизда учрамаган хиёнатлик,
Ҳаммангиз зўр Аллоҳ деган диёнатлик.
Оқибатли дўстларимсиз қиёматлик,
Жигарчилик йўқолмасин жигарларим.
Акамдайин укамдайин қонимдасиз,
Яхши ёмон кунларимда ёнимдасиз.
Йиқилсангиз ачинаман жонимдасиз,
Жигарчилик йўқолмасин жигарларим.
Савлатингиз даврамизни тўлдиради,
Давлатингиз бўлмас ишни бўлдиради.
Борлигингиз ташвишимни ўлдиради,
Жигарчилик йўқолмасин жигарларим.
Бирга юриб кирдик дўстим қанча ёшга,
Бирга кўрдик қандай кунлар тушьди бошга.
Ҳар бирингиз ўрни бўлак бошқа бошқа,
Жигарчилик йўқолмасин жигарларим.
Ҳар қачонда ёнингизда тураман мен,
Ҳурматдасиз ҳолингизни сўраман мен.
Сизни Аллоҳ учун яхши кўраман мен,
Жигарчилик йўқолмасин жигарларим.
✍ Одилбек Қодиров
✅Яқинларга юбориб қўямиз
👉 @Aptekamuz - тиббиётдан табобатгача ёритувчи канал!
Post #56013
2.11K
- ❤ 3