АЛЕШКІ Ў ПОЎНАЙ БЛАКАДЗЕ: ЛЮДЗІ НА МЯЖЫ ГАЛАДОВАЙ СМЕРЦІ
Акупаваны горад Алешкі (Херсонская вобласць) і суседнія вёскі з канца мая цалкам адрэзаны ад паставак прадуктаў, лекаў і вады. Расійскія вайскоўцы зладзілі жорсткую аблогу, асуджаючы тысячы мірных жыхароў на выжыванне без святла, газу і сувязі.
У пастцы застаюцца да 6 тысяч чалавек, уключаючы каля 200 дзяцей. Жыхары даядаюць запасы і пераходзяць на дзікарослыя расліны. Акупанты не дапускаюць місіі ААН і Чырвонага Крыжа, а машыны валанцёраў з хлебам атакуюць дронамі.
⚠️ Новая «Блакада Ленінграда»
Арганізаваўшы штучны голад, Расія ў дакладнасці паўтарае адно са самых страшных злачынстваў Другой сусветнай вайны — нацысцкую блакаду Ленінграда.
Крэмль гадамі будаваў культ на трагедыі Ленінграда, але сёння расійская армія сама прымерала ролю фашысцкіх акупантаў. Ваенныя злачынцы, якія марылі людзей голадам у XX стагоддзі, скончылі на Нюрнбергскім трыбунале. Арганізатараў блакады Алешак чакае непазбежная адплата і вечная ганьба.