Әссәләмү ғәләйкүм үә рәхмәтуллаһи үә бәрәкәтүһ! Хәйерле иртә, дуҫтар!
Шул тиклем халыҡ күтәрелеп сығыр, видеолар, клиптар төшөрөр, статьялар, шиғри юлдар яҙыр, уларҙы төрлө социаль селтәрҙәрҙә таратыр тип, һис тә уйламағайным. Ҡыуанып ҡарап барҙым. Минең хәлгә битараф булмағанығыҙ өсөн ҙур рәхмәтлемен!
Бөгөн һеҙҙең ярҙам менән суд ғәҙел ҡарар сығарыр һәм ялған яҙыуҙан сығып башҡарылған эште ябыр, мине аҡлап сығарыр тигән өмөттәмен.
Һәр берегеҙгә иҫәнлек-һаулыҡ, ғаилә именлеге теләйем, бәлә-ҡазалар һеҙҙе урап үтһен! Тыныс илдә, яҡты киләсәктә, бәрәкәтле тормошта һәммәбеҙгә лә йәшәргә насип итһен! Барығыҙҙы ла хөрмәт итәм һәм рәхмәт һүҙҙәремде еткерәм!