15 ғинуарҙа Баймаҡ суды тарафынан бинахаҡҡа хөкөм ителәсәк Фаил Алсыновҡа теләктәшлек белдерергә мотлаҡ кил!
________

Яңы ғына тыуған быҙауҙай
Багажникка һыйып, һин ҡастың...
Уҫал үгеҙ кеүек кенә ҡыуып,
Ниңә генә икән һуң ҡайттың?!.
Ҡыҙыл сепрәк күрәң һәр башҡортта.
Тик байлыҡты күрәң баш йортта.
Белмәмеш тә, күрмәмеш тә булаң,
Ә ерҙәрҙе талай сит ҡорттар.
Тырнаҡ эсендәге башҡортто ла
Күрә алмайынса яптырҙың.
Матбуғатың ағыу сәсеп торҙо,
Мырҙағолоң үтә шаштырҙы.
Айраттан һуң ниндәй ғәйеп таптың?
Дөрөҫ әйтмәнеме Рәмилә?
Ваҡытлыса тотҡан ҡурайыңдың
Ике осонан да ҡан килә!
Ләғнәт һиңә! Ҡара ҡарғыш килһен
Аҡтарылған ерҙән, тау-таштан.
Бәддоғалар ямғыр булып яуһын
Туҙҙырылған һәр бер яҙмыштан.
Бөгөн Фаил таҡты ҡыҙыл сепрәк.
Ер аҡтарҙы һөмһөҙ ҡарт үгеҙ.
(Яңғыҙлыҡтан үҙе ялыу яҙа.
Мырҙағолһоҙ ҡалды бик үкһеҙ).
Фаил ғына үкһеҙ етем түгел.
Фаил хәҙер халыҡ батыры!
Иманыбыҙ камил, халыҡ килер,
Берҙәм башҡорт майҙан тултырыр!