📜 هاي الدنيا ( بحر عميق ) اكو ناس تلعب بالشواطئ وما فاهمين منها بس اللعب واللهو ، واكو ناس غارگين بهذا البحر ، وذولا هم أنواع :
غرقى الأنا
وغرقى الشهوات وغرقى المال
وغرقى المنصب
ووو ،

واكو ناس عرفوا ان هذا البحر بيه كنوز ودرر ولآلئ فراحوا يدورون على

كنور العلم
ودرر المعرفة
ولآلئ الحكمة

📜 وهذا البحر بيه اسماك صغيرة ، وحيتان عظيمة ، وبيه مهالك غريبة ، وجزر مرعبة وهوااااي ناس راحو بالعمق وبعد ما رجعوا ، فكون تدير بالك وتحذر منها ،

لأن ظلماته جهل
وطبقاته غرور
وامواجه هوى
وروجه غفلة ...

📜 اما اذا تريد السالفة الصدگ فلازم تعرف ان وراء هذا البحر جنة عجيبة ، وارض مقدسة ، ووادي يشبه وادي طوى واكو هواي ناس راحوا ووصلوا ، فاذا تريد تتوكل لأرض السعادة لازم تعبر هذا البحر ، وهنا يرادلك سفينة قوية ، لأن الي سفينته ضعيفة تحطمها امواج هذا البحر ، فاذا كدرت تسوي سفينة جيدة فتوكل ، والله ومحمد وعلي وياك !

🖊️الشيخ علي المياحي
https://t.me/ali11041