Шведскі філасофскі гурток імя Ігната Абдзіраловіча

🗓 Калі: 22 кастрычніка (чацвер) у 19:00
📍 Дзе: Pylimo g. 6
Тэма: Сымона дэ Бавуар: жыццё, смерць, свабода і беларуская перспектыва
💻 Зарэгіструйцеся, калі ласка, па спасылцы. Нам важна ведаць колькасць удзельні_ц!

🔥 БЯСПЛАТНА 🔥

Запрашаем на прэзентацыю дзвюх кніг, якія нядаўна выйшлі ў выдавецтве «Скарына» і прысвечаныя адной з самых уплывовых філосафак ХХ стагоддзя — Сымоне дэ Бавуар. Таксама будзе цікавая і змястоўная гутарка з выдаўцом і аўтарам — Уладзіславам Гарбацкім пра кнігі і пра спадчыну Сімоны дэ Бавуар.

📚 «Вельмі лагодная сьмерць» — аповесць Сымоны дэ Бавуар, у якой пісьменніца распавядае пра апошнія тыдні жыцця сваёй маці. Гэта не проста асабістая гісторыя страты, але і глыбокае філасофскае разважанне пра смерць, старэнне, чалавечую годнасць і складаныя адносіны паміж блізкімі людзьмі.

📖 «Сымона дэ Бавуар і Беларусь» — кніга эсэ і артыкулаў Уладзіслава Гарбацкага, якая знаёміць з фемінісцкай, палітычнай і атэістычнай думкай французскай мысляркі. Аўтар прапануе паглядзець на яе ідэі праз беларускую перспектыву і паразважаць, наколькі яны актуальныя для сучаснай Беларусі.
Падчас сустрэчы пагаворым пра філасофію свабоды і адказнасці, месца жанчыны ў грамадстве, стаўленне да смерці і цялеснасці. А таксама паспрабуем разабрацца, чаму ідэі дэ Бавуар, сфармуляваныя ў мінулым стагоддзі, працягваюць выклікаць дыскусіі сёння.

Запрашаем усіх, хто цікавіцца філасофіяй, фемінізмам, літаратурай і сучаснай беларускай інтэлектуальнай думкай!