АБФ Рэкамендуе!

Працягваем напаўняць беларускія Вікіпе(э)дыі сваімі ведамі і талентамі!

Беларусы - шчаслівыя людзі, маюць ажно дзве Вікіпе(э)дыі - афіцыйным і класічным правапісам.
💥На другой сустрэчы праекта Let’s Вікі з намі будзе эксперт Ігар Іваноў — бібліятэкар і выдавец, які рэдагуе і Вікіпедыю, і Вікіпэдыю, а таксама напаўняе сумежныя праекты — Вікісховішча, Вікіцытатнік і Віківандроўкі. На гэтай сустрэчы мы:
📍працягнем рэдагаваць артыкулы,
📍даведаемся пра аўтарскае права ў Вікіпе(э)дыі і пра тое, якія існуюць ліцэнзіі на выявы,
📍а таксама пагаворым пра тое, як можна спалучыць з напаўненнем Вікіпэ(е)дыі ўласныя зацікаўленьні і патэнцыял нашых супольнасьцяў і ўстановаў.

Сустрэча адбудзецца:
🌐 анлайн 13 чэрвеня ў 18:30 (па Мінску і Вільні), 17:30 (па Варшаве) і 19:30 (па Тбілісі)
🎉 афлайн 13 чэрвеня ў 18:30 ў Create Culture Space (Вільня)

💻 Бярыце з сабой лэптопы, добры настрой і інфармацыю на тэму, у якой жадаеце стварыць ці адрэдагаваць артыкул. Каб мы маглі зразумець колькасць удзельнікаў, зарэгіструйцеся, калі ласка, у форме рэгістрацыі.

Каб не прапусціць наступныя сустрэчы і цікавую інфармацыю, далучайцеся да групы праекта ў Тэлеграм!

🇪🇺 Сустрэча адбудзецца ў межах праекта Social Camp, які рэалізуецца Гётэ-Інстытутам у Варшаве пры фінансавай падтрымцы Еўрапейскага саюза