Выстава Руфіны Базловай ў Празе

11 чэрвеня ў Празе (Чэхія) адчыніла дзьверы выстава Biennale Matter of Art, частка якой — манумэнтальны праект Руфіны Базловай пра палітычных зьняволеных у Беларусі — #FramedinBelarus, прадстаўлены ў
выглядзе вялікай тэкстыльнай інсталяцыі, якая аб’ядноўвае 681 вышытае сьведчаньне — амаль поўны архіў праекту на сёньняшні дзень. Выстава, якая праходзіць па адрасе Galerie hlavního města Prahy, budova Městské knihovny, Mariánské náměstí 1, адкрытая да 13 верасьня, уваход бясплатны.

Таксама запрацавала он-лайн галерэя праекту #FramedinBelarus, дзе
паступова будуць зьяўляцца ўсе вышыўкі разам з гісторыямі палітвязняў і матэрыяламі ўдзельнікаў праекту. На даны момант для прагляду й даследаваньня ўжо даступна больш за 280 работ.

Нагадаем, што ў выніку супрацы АЧК Беларусь і Руфіны Базловай зьявілася сэрыя маек, прысьвечаная «справе Праменя», якія вы можаце набыць, каб падтрымаць зьняволеных таварышаў.