و سنین سونسوز نفسین، آنتیک چاغا دایانیر. یئله قاریشان و بوتون اؤلوله‌رین باشقا دیاردا اولان ایتگینلیک لرینی منه آنلادیر. باشقا یوردلاردا گؤرمه‌دن تانیدیغیم انسانلار وار، اولاری آندیریر. اوشاقلیفیمداکی او آخشام اوستونو. بیر اوقدر یالنیز بیر اوقدر موتلو. اسن یئللره طرف قاچماغیمی آنیمسادیر. هله تزه باتمیش گونشین اؤزلمی. اویونلاریما بیر دوست تاپمادیغیمدا اؤزومو دوست بیلدییم او آخشامی.
نئچه حیات نئجه سیغار بیر موزیکه؟ سؤزسوز بیر پارچادا نئجه گیزلنر بوتون حیکایه لر؟ کیمسه‌نین سسی اولمادیغی حالدا نئجه هامینی ائشیده بیلرسن؟ و ندیرکی گیزین(سئحر) انسان تاریخینی 17 دقیقه سیغیشدیرا بیلمه‌یین؟
گؤزومون قاباغیندان قطار گئچیر هرشئی. دی.ام.تی می سینمیش اسپیکره و سس دالغالاری ایله یاییلیر هوایا.
قطارین کوپه‌لرینه باخیرام. ایلک دفعه گؤردویوم اوزلردن حیاتیم قدر خاطره داشییرام. دونیایا گلمیش انسانلار ساییسیندا پارچالانیرام. فرقلی بدنلره داغیلمیش بیر جان اولورام.
#مکتوب
@qafasasi1
Post #53
70